29 Սեպտեմբեր 2019-ին, Գանատահայոց Թեմի բարեխնամ Առաջնորդ Գերշ. Տէր Աբգար եպս. Յովակիմեանը, առընթերակայ ունենալով Լաւալի Սուրբ Խաչ եկեղեցւոյ հոգեւոր հովիւ Արժ. Տէր Կոմիտաս քահանայ Միրզախանեանը, Սուրբ եւ Անմահ Պատարագ մատուցեց Վարագայ Սրբոյ Խաչի տօնի եւ Լաւալի Սուրբ Խաչ Հայց. Առաքելական եկեղեցւոյ 26-ամեակի առիթներով, ինչպէս նաեւ կատարեց նորակառոյց Մկրտութեան Աւազանի օծման արարողութիւնը:
Մկրտութեան Աւազանի կառուցման նուիրատուներն են՝ Տէր եւ Տիկին Արտէն և Քրիստին Տէրվիշեանները և տիկին Ռիթա Տէրվիշեանը՝ ի յիշատակ իրենց հանգուցեալ ծնողներուն, ազգային բարերարներ՝ Տէր եւ Տիկին Ժիրայր և Էլիզ Տէրվիշյաններուն:
