17 Յունիս 2018-ը Մոնթրէալի Հայ համայնքի համար յիշարժան օր մըն էր։ Սուրբ Յակոբ Մծբնայ Հայրապետի Մասունքները Գանատայ բերուեցան՝ Պուլկարիայի, Պլովդիվի Ս. Գէորգ Հայց. Առաք. եկեղեցւոյ Հոգեւոր Հովիւ` արժանապատիւ Տ. Հրաչ քահանայ Մուրատեանի կողմէ։ Արժանապատիւ Տէր Հրաչ քահանայ Մուրատեանն այս առիթով Սուրբ եւ Անմահ Պատարագ մատուցեց Մոնթրէալի Սուրբ Գրիգոր Լուսաւորիչ Հայց. Առաք. եկեղեցւոյ մէջ։
Սուրբ Պատարագին նախագահեց Գանատահայոց Թեմի բարեջան Առաջնորդ Գերշ. Տ. Աբգար եպս. Յովակիմեանը:
Իրենց աղօթքներով Սուրբ Պատարագին մասնակցեցան Քէպէք նահանգի Հայ Քահանայ Հայրերը։
24 Յունիս 2018-ին Սուրբ Յակոբ Մծբնայ Հայրապետի Մասունքները Օնթարիոյ նահանգ պիտի տարուին ու այս առիթով Թորոնթոյի Սուրբ Երրորդութիւն Հայց. Առաք. եկեղեցւոյ մէջ պիտի մատուցուի Սուրբ եւ Անմահ Պատարագ։
