Սիրելի հաւատացեալ Գանատահայութիւն,

Ի շարունակութիւն մեր կոչին՝ սատար կանգնելու «Արցախի Մարդասիրական Հիմնադրամ»-ին, որ Գանատահայոց Թեմի կողմէն հիմնադրուեցաւ 28 Սեպտեմբեր 2020-ին, սրտի անհուն գոհունակութեամբ կը տեղեկացնենք, որ (Centre Arménie) «Հայկական կեդրոն»-ը եւ «Տէրվիշեան հիմնադրամ»-ը, 50,000 գանատական տոլարի չափով կրկնապատկեցին «Արցախի Մարդասիրական Հիմնադրամ»-ին կատարուած նուիրատուութիւնները:

Երախտապարտութեամբ կը նշենք, որ մինչեւ Հոկտեմբեր 19, 2020-ը, Գանատահայոց Թեմն արդէն ստացած է աւելի քան 300,000 գանատական տոլար:

Բոլորիդ կը հրաւիրենք ու կը խրախուսենք շարունակել Ձեր սրտաբուխ առատաձեռն նուիրատուութիւնները կատարել՝ ի օժանդակութիւն Արցախի եւ Հայաստանի մեր եղբայրներուն ու քոյրերուն:

Աստուածահաճոյ այս սխրագործութեան մասնակից դառնալու համար՝ կարող էք Ձեր նուիրատուութիւնները կատարել Թեմի կամ Ձեր ծուխի միջոցով:

Թող Ամենակարող Արարիչի Սուրբ Աջի զօրութիւնը պահէ պահպանէ Հայաստանն ու Արցախը, այսօր եւ յաւիտեանս յաւիտենից: Ամէն:

Artsakh Humanitarian Fund

$
Select Payment Method
Personal Info

Billing Details

Donation Total: $50.00